آخر الأخبار:

  • حماس: ننتظر من الحمد الله حلولاً "عملية"
  • تحطم طائرة ركاب من طراز "ايرباص 320" في جنوب فرنسا
  • الحكومة الفلسطينية ترصد مبلغ 800 مليون $ لإعادة إعمار القطاع دون الإشارة لكهرباء غزة
  • "إسرائيل" تحذر مواطنيها من السفر إلى 40 دولة مع قرب الأعياد اليهودية
  • الجبهة الشعبية: مقترح “الهدنة” مخطط دولي لفصل غزة عن الضفة
  • وصول محمد خليل عشا عضو مجلس النواب الأردني الى غزة عبر معبر بيت حانون
  • المتحدث باسم حكومة التوافق الوطني إيهاب بسيسو: رئيس الوزراء د. رامي الحمد الله، سيتوجه إلى قطاع غزة يوم غد الأربعاء
  • الأونروا بغزة تصرف دفعات نقدية ل985 أسرة لاجئة متضررة (بدل إيجار وإصلاحات) الأسبوع الجاري
  • بان كي مون: الشعب السوري يشعر أن العالم تخلى عنه مع التركيز على تنظيم الدولة الإسلامية
  • أفغانستان... مسلحون يقتلون 13 مدنيا على طريق بالقرب من كابول.

الرئيسية حارتنا

بيان هام.. الآذان في الضفة " SMS"

الخميس, 31 مارس, 2011, 11:15 بتوقيت القدس

بيان هام الآذان في الضفة  SMS


    فلسطين الآن – كتبت مراسلة حارتنا – فرشوحة ديلفري:
    إلى جماهير شعبنا البطل في الضفة المبسوطة، نعلن لكم البرنامج الذي وضعه وزير الأوقاف محموق البلاش، سهراً على راحتكم، والذي يقوم على أجدد أساليب الدعوة للدين, حول المساجد والصلاة والخطب والمواعظ وغيرها, حيث جعل من الدين "إشي روعة" وصارت الناس من كثر ما هي مبسوطة تصلي في منازلها.

    يا جماهيرنا.. إن من أبرز ما ورد في البرنامج خطب الجمعة, كان زمان كل خطيب على كيفه يحكي, بس اليوم لأ تغيّر الوضع, بتكون القدس مولعة وسلوان مشعللة وخطباء الضفة بتحدثوا عن الولاء للرئيس أو عن الميراث أو الإفطار في أيام النوافل، أو الحيض والنفاس.

    وهيك ما بنعطي الفرصة للاحتلال إنو يهيّج شعبنا ويروح لانتفاضة ثالثة واللي بتدمر مصالح السلطة، قصدي المشروع الوطني.

    وبعدين صار لت وعجن في موضوع سماعة المسجد واطية ولاّ عالية, يا خوي الدين بقول ما تزعج غيرك, وإحنا وطينا الصوت في سماعات المساجد مش عشان في اتفاق إسرائيلي فلسطيني لا لا لا لا يا حبيبي إلعب غيرها.

    إحنا أصلا ما غلبنا جيراننا وخليناهم يطلبوا منا، إحنا فهمنا على الطاير وشغلتنا نلبي النداء والرسول وصى بسابع جار "مش أصحاب الدار" وبصراحة سماعات المساجد عالية كثيير لدرجة طلاب التوجيهي ما بعرفوا يدرسوا والله.

    وما إلكم علينا يمين أجانا مطرب ورقاصته وقلنا يعني الأغنية والرقصة بتتخربط في الحفلات لما بطلع صوت الآذان.. يعني هموم الناس كثيرة .

    ومنو بنبطل نزعج المستوطنين وهيك ننفذ برنامجنا اللي من أهدافه "أسلمة المستوطنين"، بكرة لما ببطلوا يسمعوا صوت الآذان ويعرفوا انو عشانهم بهجموا على منازل وأراضي وزيتون الفلسطينيين معلنين إسلامهم مثل اللي في مستوطنات آرئيل وكريات أربع وغيرها ..ما شاء الله كثار المستوطنات، يعني المسلمين رح يكثروا.

    كل إشي مخطط إله، وحسب خطة كبير شلة الضفة لإقامة الدولة المستقلة عام 2011 بكون كل المستوطنين مسلمين وما في مشكلة مع اليهود, وفي الأيام الجاية عشان نضمن عدم إزعاجهم أكثر رح يصير الآذان عبارة عن مسج على الجوالات بس نرجو إنكم تخلوا جوالاتكم "صامت" وهيك بنوفر في ميزانية السلطة وبنجمع كل سماعات المساجد وبنبيعها على اليهود في أعيادهم لأنهم كثير بكونوا مبسوطين وبحبوا يسمّعونا احتفالاتهم.

    أما الصفقة بخلّصها إلنا "البلاّش والدحدح "هذي شغلتهم, وهيك بندخّل على السلطة ميزانية كبيرة وبنحولها كوبونات بنزين، ولاّ كيف بدنا نحرك سيارات الأمن عشان تحافظ على مجتمعنا من تسلل المستوطنين لأسواقه وخمّاراته المرخصة.. "إحنا رايحين لدولة مش مسخرة.. بدها تخطيط".

    وفي المستقبل رح ننزل مناقصات لبيع سجاد المساجد لانوا إحنا بدنا نسحب البساط من تحت كم مستوطن مراهق بيجوا يحرقوا سجاد المساجد وهيك بشوفو البلاط وبنفلموا فيلم أخو أخته.

    ومش هون النهفة لسه، لما يلاقونا جمعنا المصاحف من المساجد وبعناها على الخليج وهيك ما بلاقوا إشي يحرقوه ولا صوت آذان يدلهم على مكان المسجد.

    وإذا بضلوا مصرين على فضولهم في البحث عن المساجد إحنا بنقرر انو تكون الصلاة في البيوت وبنهدم المآذن, يعني بدكم العالم يتفرج على مشاكلنا مع اليهود والمفاوضات تنهار عشان كم مسجد وكم قرية ؟

    مش لهالدرجة يعني قلة الفهم! بدها لحلحة واطّمنوا كل اشي مخطط وإذا بتضلكم معنا في الخطط أي والله لتنسوا إنكم مسلمين .

    ومعا وسويا للتقليل من المساجد .... من أجل ضفة خالية من الآذان
    المصدر: رابط مختصر للموضوع:

    مشاركات القراء

    التعليقات المنشورة مملوكة لأصحابها ولا تعبر عن رأي فلسطين الآن وإنما تعبر عن رأي أصحابها


    (4) تعليق


    • (1) حداق44 الإثنين, 15 يوليو, 2013

      الك يوم يا متعوس تعاس .......... وهباشووووووو ( شاكر الحيران) الغراب الناعق لسلطه الجور والفساد

    • (2) بصراحه الخميس, 22 مايو, 2014

      لعن الله ( الهباش ) ذاك الخنزير اللقيط

    • (3) المحتال الخميس, 22 مايو, 2014

      الهباش الملعون له من اسمه نصيب حيث ان الهباش تعنى المحتال

    • (4) بطل الإثنين, 23 مارس, 2015

      الله يوخذوالى جهتم هالمحموق

    إقرأ أيضاً:
    اقرأ المزيد >>